Էրիկ Իսրայելյանը պրոֆեսիոնալ ռինգում չորրորդ հաղթանակն է տարել։
21-ամյա մարզիկը Կանադայի Մոնրեալ քաղաքում կայացած բռնցքամարտի երեկոյի ժամանակ մրցավարների միաձայն որոշմամբ (40-36, 40-36, 40-36) հաղթել է չիլիացի Մարիո Էսպարսային (2-2)։
Երկու շաբաթ առաջ հայ բռնցքամարտիկը Մոնրեալում ևս մեկ հաղթանակ էր տարել` առավելության հասնելով Դիլան Շրյոդերի (Կանադա) դեմ մենամարտում։
Իսրայելյանը պրոֆեսիոնալ ռինգում հաղթել է անցկացրած բոլոր չորս մենամարտերը, երկուսը` նոկաուտով։
