Արման Ծառուկյանը սոցցանցերում գրառում է կատարել՝ անդրադառնալով UFC-ի նախագահ Դանա Ուայթի հայտարարությանը:
«Ես համաձայն եմ Դանայի հետ: Երբ մեջքս առողջանա, ես պատրաստ կլինեմ ցույց տալ, թե ով է իրական թիվ 1 հավակնորդը: Պատրաստ կլինեմ մենամարտել ցանկացած մարտիկի դեմ»,- գրել է 28-ամյա հայ մարտիկը:
Ավելի վաղ Ուայթը հայտարարել է, որ թեթև քաշային կարգի դասակարգման աղյուսակի առաջատար Արման Ծառուկյանը հաջորդ տիտղոսային մենամարտին մասնակցելու հնարավորություն չի ստանա. պետք է վերադառնա տիտղոսային պայքարի:
Հիշեցնենք, որ Ծառուկյանը մեջքի վնասվածքի պատճառով հրաժարվել էր գործող չեմպիոն, դաղստանցի Իսլամ Մախաչևի դեմ տիտղոսային մենամարտին մասնակցելուց: Նրան փոխարինել էր բրազիլացի Ռենատո Մոյկանոն, որը պարտվել է Մախաչևին առաջին ռաունդում:
UFC 311-ը հեռարձակվում էր Fast TV հավելվածում (iOS, Android):
I agree with @danawhite. Once my back heals, I’ll be ready to prove I’m the true #1 contender by taking on anyone they put in front of me! https://t.co/LAI2khcxCX
— Arman Tsarukyan UFC (@ArmanUfc) January 19, 2025