«Չելսիի» գլխավոր մարզիչ է նշանակվել Էնցո Մարեսկան։ Լոնդոնյան ակումբի պաշտոնական կայքը հայտնում է, որ 44-ամյա մասնագետի հետ կնքվել է 5 տարվա պայմանագիր։

Ինսայդեր Ֆաբրիցիո Ռոմանոն գրում է, որ «Չելսին» իտալացի մարզչի նախորդ ակումբին՝ անգլիական «Լեսթերին», պայմանագրի խզման համար վճարել է 10 միլիոն եվրո փոխհատուցում։

«Լեսթերը» 2023/24 մրցաշրջանում Մարեսկայի գլխավորությամբ հաղթել է Անգլիայի Չեմպիոնշիփում և նվաճել Պրեմիեր լիգայի ուղեգիր։

«Չելսիում» Մարեսկայի մարզչական շտաբում ընգրկվել են նաև ակումբի նախկին դարպասապահ Վիլի Կաբալյերոն, Դանի Ուոլքերը, Միկելե Դե Բերնարդինը, Մարկոս Ալվարեսը, Խավի Մոլինան, Ռոբերտո Վիտիելոն, Բեն Ռոբերտսը և Բերնարդո Կուևան։

Հիշեցնենք, որ «Չելսիի» նախորդ գլխավոր մարզիչ Մաուրիսիո Պոչետինոն պաշտոնանկ էր արվել մայիսի 21-ին։