Հայաստանը ներկայացնող Էլինա Ավանեսյանը համագործակցություն է սկսել գերմանական հանրահայտ Adidas ընկերության հետ։ Այդ մասին 22-ամյա թենիսիստուհին հայտնել է սոցցանցերում։
«Ուրախ եմ տեղեկացնել, որ միացել եմ Adidas-ի ընտանիքին։ Արդեն վաղուց կորտում Adidas-ի մարզահագուստն եմ հագնում, քանի որ անկեղծ սիրում եմ այդ ընկերությունն ու արտադրանքը»,- գրել է Ավանեսյանը։
Հիշեցնենք, որ Էլինա Ավանեսյանն այս տարվա օգոստոսից է մրցաշարերում ներկայացնում Հայաստանը։ Նա WTA-ի դասակարգման աղյուսակում զբաղեցնում է 44-րդ տեղը։