Կատալոնական «Բարսելոնայի» 18-ամյա վինգեր Լամին Յամալը մտադիր է ձեռք բերել այն առանձնատունը, որտեղ նախկինում ապրել են Ժերար Պիկեն և նրա նախկին կինը` աշխարհահռչակ երգչուհի Շակիրան, հաղորդում է El Pais-ը:
Կատալոնական թիմի նախկին ֆուտբոլիստի և Շակիրայի ամուսնալուծությունից հետո՝ 2022 թվականին, առանձնատունը վաճառվել էր: Այն կառուցվել է 2012 թվականին 3800 քառակուսի մետր տարածքի վրա:
Տարածքը ներառում է 2 փոքր և 1 մեծ բնակարան, փակ և բացօթյա լողավազաններ, թենիսի կորտ, մարզասրահ, բազմաթիվ տեռասներ և նույնիսկ ձայնագրման ստուդիա։ Տարածքի նախնական գինը կազմել է 14 միլիոն եվրո, այս պահի դրությամբ մոտ 3 միլիոնով նվազել է, քանի որ երկրորդական բնակարաններից մեկը վաճառվել է:
