Անգլիական «Մանչեսթեր Յունայթեդը», «Տոտենհեմը» և ֆրանսիական «Լիոնը» ևս դուրս եկան ՈՒԵՖԱ-ի Եվրոպա լիգայի քառորդ եզրափակիչ:

«Մանչեսթեր Յունայթեդը» 1/8 եզրափակիչի պատասխան խաղում տանը 4-1 հաշվով հաղթեց իսպանական «Ռեալ Սոսյեդադին»: Հեթ-տրիկ գրանցեց պորտուգալացի կիսապաշտպան Բրունու Ֆեռնանդեշը: Դիմակայության առաջին խաղն ավարտվել էր 1-1 հաշվով:

Ռուբեն Ամորիմի գլխավորած թիմը քառորդ եզրափակիչում կմրցի «Լիոնի» դեմ, որը 1/8 եզրափակիչի պատասխան խաղում տանը 4-0 հաշվով հաղթեց ռումինական «Ստյաուային»:

Լոնդոնի «Տոտենհեմն» էլ տանը 3-1 հաշվով հաղթեց նիդերլանդական «ԱԶ Ալկմարին»: Դիմակայության առաջին խաղում «Տոտենհեմը» պարտվել էր 0-1 հաշվով:

Եվրոպա լիգա, 1/8 եզրափակիչ, պատասխան խաղեր

«Մանչեսթեր Յունայթեդ» (Անգլիա) - «Ռեալ Սոսյեդադ» (Իսպանիա)` 4-1 (առաջին խաղը` 1-1) (տեսանյութ)

Բրունու Ֆեռնանդեշ, 16 (11մ), 50 (11մ), 87, Դիոգու Դալո, 90+1 - Միկել Օյարսաբալ, 10 (11մ)

Հեռացում` Յոն Արամբուրու, 63 («Ռեալ Սոսյեդադ»)

«Լիոն» (Ֆրանսիա) - «Ստյաուա» (Ռումինիա)` 4-0 (առաջին խաղը` 3-1) (տեսանյութ)

«Տոտենհեմ» (Անգլիա) - «ԱԶ Ալկմար» (Նիդերլանդներ)` 3-1 (առաջին խաղը` 0-1) (տեսանյութ)

Ավելի վաղ քառորդ եզրափակիչի ուղեգիր էին նվաճել «Աթլետիկը», «Այնտրախտը», «Լացիոն» ու «Բուդյո-Գլիմտը»: