Եվրոպա լիգայի հիմնական փուլի առաջին տուրում անգլիական «Մանչեսթեր Յունայթեդը» տնային խաղում չկարողացավ հաղթել Նիդերլանդները ներկայացնող «Տվենտեին». գրանցվեց 1-1 հաշիվը։

Մանկունյական ակումբը 35-րդ րոպեից դանիացի կիսապաշտպան Քրիստիան Էրիկսենի խփած գոլից հետո հաղթում էր, սակայն չկարողացավ պահել առավելությունը։

Իտալական «Լացիոն» Գերմանիայի Համբուրգ քաղաքում կայացած խաղում 3-0 հաշվով առավելության հասավ Կիև «Դինամոյի» նկատմամբ։ «Բիանկոչելեստիից» դուբլ գրանցեց թիմի նորեկ, սենեգալցի հարձակվող Բուլայե Դիան։

Հետաքրքիր մրցավեճ պարգևեցին ֆրանսիական «Նիսը» և իսպանական «Ռեալ Սոսիեդադը». կողմերը չպարզեցին հաղթողին` 1-1։

Բասկյան ակումբն իսպանացի հարձակվող Անդեր Բարենեչեայի խփած գոլի շնորհիվ 18-րդ րոպեին առաջ անցավ հաշվի մեջ, իսկ «Նիսի» պատասխան գոլը 45-րդ րոպեին խփեց նիդերլանդցի կիսապաշտպան Պաբլո Ռոսարիոն։

«Նիսը» կարող էր նաև հաղթանակ կորզել, սակայն կոտդիվուարցի հարձակվող Էվան Գեսանդը 55-րդ րոպեին վրիպեց 11-մետրանոցից. «Ռեալ Սոսիեդադին» փրկեց իսպանացի դարպասապահ Ալեքս Ռեմիրոն։

Եվրոպա լիգա, հիմնական փուլ, առաջին տուր

«Մանչեսթեր Յունայթեդ» (Անգլիա) - «Տվենտե» (Նիդերլանդներ)` 1-1 (տեսանյութ)

Քրիստիան Էրիկսեն, 35 - Սեմ Լամերս, 68

«Դինամո Կիև» (Ուկրաինա) - «Լացիո» (Իտալիա)` 0-3 (տեսանյութ)

Բուլայե Դիա, 5, 35, Ֆասիյո Դելե-Բաշիրու, 34

Հեռացում` Մաքսիմ Բրագարու, 72 («Դինամո Կիև») - Տիջանի Նոսլին, 75 («Լացիո»)

«Նիս» (Ֆրանսիա) - «Ռեալ Սոսիեդադ» (Իսպանիա)` 1-1 (տեսանյութ)

Պաբլո Ռոսարիո, 45 - Անդեր Բարենեչեա, 18

Չիրացրած 11-մետրանոց` Էվան Գեսանդ, 55 («Նիս»)

«Միդտյուլան» (Դանիա) - «Հոֆենհայմ» (Գերմանիա)` 1-1 (Տեսանյութ)

Դարիո Օսորիո, 42 - Մաքսիմ Մոերշտեդթ, 90