Թեթև քաշային կարգում ACA-ի Գրան պրիի հաղթող, խառը մենամարտերում (MMA) ելույթ ունեցող Էդուարդ Վարդանյանը պատմել է, թե երբ է մեկնելու ԱՄՆ՝ UFC-ի հետ բանակցություններ վարելու համար։
«Արդեն Ղազախստանից մեկնել եմ Հայաստան։ Ղազախստանում մարզավիճակ էի պահպանում տարբեր մարզասրահներում։ Նոյեմբերի 6-ին կմեկնեմ ԱՄՆ»,- հայ մարտիկի խոսքը մեջբերում է Legalbet.kz-ը։
Հիշեցնենք, որ օգոստոսին էդուարդ Վարդանյանը հայտարարել էր, որ բանակցում է UFC-ի հետ: MMA-ում 32-ամյա մարտիկն անցկացրել է 29 մենամարտ, տարել 25 հաղթանակ ու կրել 4 պարտություն:
