Հայաստանի հավաքականի և ռուսական «Նիժնի Նովգորոդի» հարձակողական ոճի կիսապաշտպան Էդգար Սևիկյանը կարիերան շարունակելու է Հունգարիայում: Championat.com-ը տեղեկացնում է, որ «Ֆերենցվարոշն» ակտիվացրել է 22-ամյա ֆուտբոլիստի հրաժարագինը:
«Спорт-Экспресс»-ը գրում է, որ Սևիկյանի հրաժարագինը կազմում է 1,1 միլիոն եվրո:
Սևիկյանը մոտ է եղել «Կրասնոդար» տեղափոխվելուն, բայց «Ֆերենցվարոշը» տարհամոզել է ֆուտբոլիստին: Այդ տեղեկությունը հաստատել է «Նիժնի Նովգորոդի» գլխավոր տնօրեն Դավիթ Մելիք-Գուսեյնովը:
Ռուսական ակումբի կազմում ընթացիկ մրցաշրջանում Էդգարը 24 խաղում խփել է 7 գոլ: Հայաստանի հավաքականի կազմում անցկացրած 4 խաղում Սևիկյանը գոլով աչքի չի ընկել:
Հունգարիայի առաջնության 17 տուրից հետո Դեյան Ստանկովիչի գլխավորած թիմը երկրորդ տեղում է:
