Մեժլում Մեժլումյանը (61 կգ) բրոնզե մեդալակիր դարձավ Ռումինիայի մայրաքաղաք Բուխարեստում ավարտին մոտեցող ազատ ոճի ըմբշամարտի Եվրոպայի առաջնությունում։
Մեդալային գոտեմարտում 23-ամյա ըմբիշը 7-5 հաշվով առավելության հասավ գերմանացի Նիկլաս Ստեխելեի նկատմամբ։ Փետրվարի 18-ին Մեժլումյանն անցկացրել էր նաև սփոփիչ գոտեմարտ՝ 5-4 հաշվով հաղթելով վրացի Շոթա Պարտենաձեին։
Մեժլում Մեժլումյանն առաջին անգամ դարձավ Եվրոպայի առաջնության բրոնզե մեդալակիր։
Ազատ ոճի ըմբշամարտի Հայաստանի հավաքականը ԵԱ-ին մասնակցեց ամբողջական կազմով (10 ըմբիշ) ու ելույթն ավարտեց 2 ոսկե և մեկ բրոնզե մեդալով։ Փետրվարի 17-ին Եվրոպայի չեմպիոն էին դարձել Արսեն Հարությունյանը (57 կգ) և Արման Անդրեասյանը (70 կգ):
