Երևանում ավարտված ծանրամարտի Եվրոպայի առաջնության մեդալային հաշվարկում հաղթեց Հայաստանի հավաքականը՝ երկամարտում, պոկում և հրում վարժություններում նվաճելով ընդհանուր 36 մեդալ:

Հիշեցնենք, որ Եվրոպայի չեմպիոնի տիտղոսը նվաճեցին  Գարիկ Կարապետյանը (102 կգ), Սամվել Գասպարյանը (109 կգ), Գոռ Սահակյանը (67 կգ) և Դավիթ Հովհաննիսյանը (92 կգ): Տաթև Հակոբյանը (76 կգ), Անդրանիկ Կարապետյանը  (89 կգ), Արա Աղանյանը (92 կգ) և Վարազդատ Լալայանը (+109 կգ) դարձան արծաթեմեդալակիր, իսկ Հռիփսիմե Խուրշուդյանը (87 կգ), Պետրոս Պետրոսյանը (109 կգ), Ռաֆիկ Հարությունյանը (81 կգ),  Իզաբելա Յայլյանը  (55 կգ) և Սիմոն Մարտիրոսյանը (+109 կգ) դարձան բրոնզեմեդալակիր: