Հայաստանի ներկայացուցիչ, 70 կգ քաշային Անի Հովսեփյանը նվաճեց Չեռնոգորիայի Բուդվա քաղաքում ընթացող բռնցքամարտի կանանց Եվրոպայի առաջնության եզրափակիչի ուղեգիր:
Կիսաեզրափակիչում հայ մարզուհին 5-0 հաշվով հաղթեց Չեռնոգորիայի ներկայացուցիչ Թամարա Ռադունովիչին:
Հայաստանի մեկ այլ ներկայացուցիչ Սոնա Հարությունյանը (63 կգ) կիսաեզրափակիչում պարտվեց ուկրաինացի Մարիա Բովային և բավարարվել բրոնզե մեդալով:
Հիշեցնենք, որ կիսաեզրափակիչում Անի Հովսեփյանը նոկաուտով հաղթել էր Չեռնոգորիայի ներկայացուցիչ Ռեգինա Լակոսին: Եզրափակիչում Հովսեփյանի մրցակիցն իռլանդացի Քրիստինա Դեսմոնդն է:
Հայաստանի ներկայացուցիչներից կիսաեզրափակիչ է դուրս եկել ու առնվազն բոնզե մեդալ է ապահովել նաև Եկատերինա Սիչևան (54 կգ): Հայաստանը նախկինում երբեք մեդալ չէր նվաճել բռնցքամարտի կանանց մեծահասակների Եվրոպայի առաջնությունում:
