UFC-ի հայ մարտիկ Արման Ծառուկյանը սոցցանցերում հրապարակում է արել և սուր պատասխան տվել բրիտանացի Փեդի Փիմբլեթին.
«Դու ոչինչ ես, առավելագույնը` աղբ։ «Հայրիկ Դանան» (UFC-ի նախագահ Դանա Ուայթը) քեզ մի քանի տարեց մրցակից տվեց` շուրջդ աղմուկ բարձրացնելու համար։ Դու միայն այդ «աղմուկն» ես։ Ես կարիերայիս ընթացքում ինքս եմ ամեն ինչ վաստակել։ Ինձ ոչինչ չեն տվել, դու թափթփուկ ես։ Հիմա՛ր, իսկ այժմ նստի՛ր և սպասի՛ր, թե ինչ է ասելու «Հայրիկ Դանան»»,- գրել է Ծառուկյանը։
Հայ մարտիկի գրառումից առաջ Փիմբլեթը հայտարարել էր, որ հուսով է UFC-ի դասակարգման աղյուսակում շրջանցել Ծառուկյանին ու պայքարել չեմպիոնական տիտղոսի համար.
«Հուսով եմ՝ այդ հարցը կկարգավորվի, բայց հասկանում եմ, որ կարծես 9-րդ տեղում եմ կամ մոտակայքում։ Այլ անձինք, հավանաբար, ավելի արժանի են տիտղոսին, բայց «արիստոկրատը»` այդ փոքրիկ հարուստ տղան` Արմանը, միանշանակ, ո՛չ»։
Ծառուկյանը UFC-ի թեթև քաշային կարգի դասակարգման աղյուսակում երկրորդ տեղում է։
You’re a nobody, a trash can at most. Daddy Dana fed you a couple senior citizens to build your hype. That’s all you are, hype. I earned everything in my career, nothing was handed to me you bum. Now sit your goofy ass down and wait until Daddy tells you what to do https://t.co/xOFXQ9cSm1
— Arman Tsarukyan UFC (@ArmanUfc) August 11, 2025
