Իսպանիայի Լա լիգայի 24-րդ տուրի «Օսասունա» - «Ռեալ Մադրիդ» հանդիպումը (1-1) սպասարկած Խոսե Մունուեռա Մոնտերոն հայտնվել է սպառնալիքների կիզակետում, հայտնում է Marca-ն։
Հանդիպումից հետո մադրիդյան գրանդի երկրպագուները սոցցանցերում մրցավարի հասցեին վիրավորական մեկնաբանություններ են գրել։
Ֆաները Մունուեռա Մոնտերոյին սպառնացել են հետևյալ կերպ. «Աստված քեզ պատասխան հարված կտա»։ «Հաջորդ անգամ, երբ նա գա «Բեռնաբեու», թույլ չտաք նրան շնչել»։ «Դու պետք է անհանգստանաս երեխաներիդ համար»։
Մրցավարը սոցցանցերի իր օգտահաշիվներում փակել է մեկնաբանությունների բաժինը։
«Օսասունայի» դեմ հանդիպման 39-րդ րոպեին Մունուեռա Մոնտերոն կարմիր քարտ է ցույց տվել «Արքայական ակումբի» կիսապաշտպան Ջուդ Բելինգեմին:
