Նովակ Ջոկովիչը (7-րդ ռակետ) սենսացիոն պարտություն կրեց և չկարողացավ դուրս գալ Դոհայի ATP-500 շարքի մրցաշարի 1/8 եզրափակիչ։

Մրցաշարի առաջին փուլում սերբ թենիսիստը 6-7 (4-7), 2-6 հաշվով պարտվեց Մատեո Բերետինիին (Իտալիա, 35-րդ ռակետ)։ Մրցախաղը տևեց 1 ժամ 35 րոպե։

«Մեծ սաղավարտի» մրցաշարերի 24-ակի հաղթողն իտալացի թենիսիստին հանդիպում էր 5-րդ անգամ և կրեց առաջին պարտությունը։

Բերետինիի հաջորդ փուլում կմրցի Տալոն Գրիկսպուրի (Նիդերլանդեր, 51-րդ ռակետ) դեմ։