Լոնդոնի «Չելսիի» լեգենդար հարձակվող Դիդյե Դրոգբան գրառում է կատարել սոցցանցերում՝ անդրադառնալով գաբոնցի ռմբարկու Պիեռ-Էմերիկ Օբամեյանգի՝ կատալոնական «Բարսելոնայից» անգլիական ակումբ տեղափոխությանը:
«Վերջապես: Հիշո՞ւմ եք, որ մենք այս գործարքի մասին խոսում էինք մի քանի տարի առաջ: Շատ ուրախ եմ քեզ համար, եղբայր»,- գրել է կոտդիվուարցին սոցցանցերում:
Հիշեցնենք, որ «Չելսին» Օբամեյանգի տեղափոխության համար «Բարսելոնային» վճարել էր 12 միլիոն եվրո, կողմերը ստորագրել էին 2 տարվա համաձայնագիր:
33-ամյա հարձակվողն այս տարվա հունվարին էր ազատ գործակալի կարգավիճակում տեղափոխվել «Բարսելոնա»: Գաբոնցին 2018-2022 թվականներին պաշտպանել էր Լոնդոնի «Արսենալի» մարզական պատիվը:
