Կանադացի հայտնի ռեփեր Դրեյքը Կանադա - Արգենտինա ֆուտբոլի Ամերիկայի գավաթի խաղարկության կիսաեզրափակիչի խաղում 300 հազար դոլար խաղադրույք է կատարել կանադացիների հաղթանակի վրա:
Աշխարհի գործող չեմպիոնի դեմ խաղում Կանադայի հավաքականի հաղթանակի գործակիցը 9,60 է, հետևաբար կանադացիների հաղթանակի դեպքում Դրեյքի շահումը կկազմի 2,9 միլիոն դոլար:
Արգենտինայի և Կանադայի հավաքականների միջև կիսաեզրափակիչը կկայանա հուլիսի 10-ին և կմեկնարկի Երևանի ժամանակով 04:00-ին: Եզրափակիչի մյուս ուղեգիրը հուլիսի 11-ին կվիճարկեն Ուրուգվայի և Կոլումբիայի հավաքականները։ Արգենտինան Կոպա Ամերիկայի գործող հաղթողն է։
Հիշեցնենք, որ Դրեյքը հաճախ է սխալվում կանխատեսումներ անելիս։ Այն մարզիկները կամ թիմերը, որոնց նա նախապատվություն է տալիս, հաճախ պարտվում են: