Մոսկվայի «Դինամոյի» գլխավոր մարզիչ Սանդրո Շվարցը խոսել է թիմի 18-ամյա կիսապաշտպան Արսեն Զախարյանի նկատմամբ եվրոպական թոփ-ակումբների հետաքրքրության մասին:
«Զարմացած չեմ, որ Զախարյանը առաջատար ակումբների սկաուտների ուշադրության կենտրոնում է։ Նա ցույց է տալիս, որ բարձր որակի խաղ է ցուցադրում՝ չնայած երիտասարդ տարիքին։ Մենք Արսենի հետ մշտապես կապի մեջ ենք։ Վախենալու ոչինչ չկա։ Լուրերը միշտ շրջապատում են ֆուտբոլը։
Իմ իրավասության մեջ չէ գնահատել, թե պատրաստ է արդյոք Զախարյանը Եվրոպային։ Նրա համար շատ կարևոր է հաջորդ քայլերն իրականացնել զարգացման համար ու կրկնապատկել իր կարողությունները»։
Զախարյանը Ռուսաստանի մեկնարկած առաջնության 3 խաղերում խփել է 1 գոլ ու կատարել 1 գոլային փոխանցում։
