Մոսկվայի «Դինամոն» հաստատել է, որ թիմի հարձակվող Կոնստանտին Տյուկավինը ծանր վնասվածք է ստացել:
Ռուս ֆուտբոլիստը «Ռոստովի» դեմ խաղում վնասել է աջ ծնկի խաչաձև կապանները: 22-ամյա ֆուտբոլիստը վիրահատության կենթարկվի, իսկ ապաքինման գործընթացը կտևի մոտավորապես կես տարի:
Ռուսաստանի առաջնության ընթացիկ մրցաշրջանում «Դինամոյի» հարձակվողը 7 գոլ ու 2 ասիստ է գրանցել: Նախորդ մրցաշրջանում Տյուկավինը խփել էր 15 գոլ ու գրանցել 9 ասիստ:
Պրեմիեր լիգայում «Դինամոն» 5-րդ տեղում է, բայց երեք առաջատարներից հետ է ընդամենը 4 միավորով:
