Մոսկվայի «Դինամոյի» գլխավոր տնօրեն Պավել Պիվավարովը անդրադարձել է Ռուսաստանի ազգային հավաքական կիսապաշտպան Արսեն Զախարյանի շուրջ ստեղծված իրավիճակին: Ամռանը 19-ամյա ֆուտբոլիստը մոտ էր Լոնդոնի «Չելսի» տեղափոխությանը, սակայն գործարքն այդպես էլ չկայացավ:
- Զախարյանի հնարավոր տեղափոխության գործարքի բանակցությունները շարունակվու՞մ են:
-Ո՛չ:
-«Չելսիի» հետ կապ չե՞ք պահպանում:
-Ո՛չ, այս պահին գործընթաց չկա,- Պիվավարովի խոսքը փոխանցում է «РБ Спорт»-ը:
Հիշեցնենք, որ Արսեն Զախարյանը 2021 թվականի սեպտեմբերից է հրավիրվում Ռուսաստանի հավաքական, որի կազմում մասնակցել է 4 հանդիպման: Ընթացիկ մրցաշրջանում մոսկովյան ակումբի կազմում կիսապաշտպանը մասնակցել է 14 խաղի, խփել 2 գոլ և կատարել 3 գոլային փոխանցում:
