Մադրիդի «Ռեալը» հետաքրքրված է անգլիական «Բորնմութի» ու Իսպանիայի հավաքականի կենտրոնական պաշտպան Դին Հաուսենի ծառայություններով, հայտնում է MARCA-ն:
19-ամյա պաշտպանը տպավորել է «Արքայական ակումբի» ղեկավարությանը, բայց նրան իրենց կազմում ցանկանում են տեսնել նաև մի շարք այլ եվրոպական գրանդ ակումբներ:
Նախորդ ամռանը «Բորնմութը» Հաուսենի տրանսֆերային իրավունքը գնելու համար «Յուվենտուսին» վճարել է 15 միլիոն եվրո, սակայն նրա տրանսֆերային արժեքն այժմ քառապատկվել է:
Նիդերլանդների հավաքականի դեմ Ազգերի լիգայի քառորդ եզրափակիչի առաջին խաղում Հաուսենը նորամուտն է նշել Իսպանիայի հավաքականում, իսկ պատասխան խաղում առաջին անգամ ընդգրկվել է «Ֆուրիա ռոխայի» մեկնարկային կազմում:
«Մեսթալիայում» կայացած երկրորդ խաղից հետո երիտասարդ պաշտպանի ակումբակից Ջասթին Կլյուվերտը հաստատել է, որ Հաուսենը հաջորդ մրցաշրջանում հադես չի գա Անդոնի Իռաոլայի գլխավորած թիմում:
