Թուրինի «Յուվենտուսի» արգենտինացի կիսապաշտպան Անխել Դի Մարիան ազդրի վնասվածքի պատճառով 20 օր կբացակայի խաղադաշտից, տեղեկացնում է ակումբի պաշտոնական կայքը:
Արգենտինայի հավաքականի 34-ամյա ֆուտբոլիստը վնասվածք էր ստացել իսրայելական «Մաքաբի Հայֆայի» դեմ Չեմպիոնների լիգայի խմբային փուլի 4-րդ տուրի խաղում (0-2):
Հիշեցնենք, որ Դի Մարիան հուլիսի 8-ին էր ազատ գործակալի կարգավիճակում տեղափոխվել իտալական գրանդ, որի կազմում ընթացիկ մրցաշրջանում բոլոր մրցաշարերում մասնակցել է 7 հանդիպման, խփել 1 գոլ և կատարել 4 արդյունավետ փոխանցում:
