Թենիսի տղամարդկանց աշխարհի երկրորդ ռակետ Յանիկ Սիները հրաժարվել է Իտալիայի թիմի կազմում Դևիսի գավաթի խաղարկությանը մասնակցելուց, tennis365-ին ասել է իտալացիների ավագ Ֆիլիպո Վոլանդրին։
«Սիները չի համաձայնել Դևիսի գավաթին մասնակցելուն: Ես վստահ եմ, որ Յանիկը շուտով կրկին թիմի մաս կդառնա»,- ասել է Վոլանդրին:
Լորենցո Մուզետի (8), Ֆլավիո Կոբոլլի (22), Մատեո Բերետինի (59), Սիմոնե Բոլելի (14) և Անդրեա Վավասորի (15) կազմով Իտալիայի թիմը կմասնակցի նոյեմբերի 17-23-ը Բոլոնիայում կայանալիք Դևիսի գավաթի եզրափակիչ հատվածին:
