Իսպանիայի Մալագա քաղաքում մեկնարկել է Դևիսի գավաթի խաղարկության եզրափակիչ հատվածը։
Մրցաշարի քառորդ եզրափակիչում Իսպանիայի հավաքականը մրցում է Նիդերլանդների դեմ։ Դիմակայության առաջին մրցավեճում «Մեծ սաղավարտի» մրցաշարերի 22-ակի հաղթող Ռաֆայել Նադալը 4-6, 4-6 հաշվով պարտվել է Բոտիկ վան դե Զանդսխյուլպին։ Աշխարհի 80-րդ ռակետը հաղթել է 1 ժամ 54 րոպեում և առաջին միավորը վաստակել Նիդերլանդների համար։
Հիշեցնենք` 38-ամյա Նադալը հայտարարել է, որ Դևիսի գավաթի խաղարկությունը լինելու է իր կարիերայի վերջին մրցաշարը։