Ֆրանսիայի հավաքականի գլխավոր մարզիչ Դիդյե Դեշամը հայտարարել է աշխարհի 2026 թվականից առաջնությունից հետո թիմից հեռանալու մասին:
«Հավաքականում եմ աշխատում 2012 թվականից, պայմանագրիս ժամկետը նախատեսված է մինչև ԱԱ-2026-ի ավարտը: Դրանից հետո կավարտեմ աշխատանքս հավաքականում: Այս որոշումը վաղուց էր հասունացել իմ գլխում:
14 տարին շատ երկար ժամկետ է, իսկ ես այստեղ ռեկորդների համար չեմ: Կշարունակեմ աշխատանքս կատարել կրքով ու ցանկությամբ, բայց 2026-ը լավ պահ է ավարտելու համար: Ինչ-որ պահ պետք է կարողանաս ասել վերջ»,- RMC-ի հետ զրույցում ասել է 56-ամյա մասնագետը:
Դեշամի գլխավորությամբ Ֆրանսիայի ազգային հավաքականը 2018 թվականին հռչակվել է աշխարհի չեմպիոն: