Միլանի «Ինտերի» պաշտպան Դենզել Դյումֆրիսը ճանաչվել է Չեմպիոնների լիգայի շաբաթվա լավագույն ֆուտբոլիստ, հայտնում է ՈՒԵՖԱ-ի մամուլի ծառայությունը:
Նիդերլանդցի ֆուտբոլիստը կատալոնական «Բարսելոնայի» դեմ կիսաեզրափակիչի առաջին մրցավեճում դուբլ էր գրանցել և մեկ ասիստ էր կատարել:
Շաբաթվա լավագույնի կոչման համար պայքարում միլանցիների աջ լատերալն առաջ է անցել ֆրանսիական ՊՍԺ-ի պորտուգալացի կիսապաշտպան Վիտինյայից:
