Ռեժիսոր Դենիս Վիլնյովը Empire-ին տված հարցազրույցում պատմել է, թե Ֆրենկ Հերբերտի վեպերից ինչպիսի կարևոր կերպար է հայտնվելու «Dune»-ի շարունակությունում:
Նրա խոսքով՝ երկրորդ մասում հեռուստադիտողները կտեսնեն Բարոն Վլադիմիր Հարկոնենի ժառանգորդ Ֆեյդ-Ռաուտին:
Հերբերտի գրքերում նա հիմնական առանցքային կերպարներից մեկն է: Այնուամենայնիվ, Վիլնյովի ֆիլմում չի հայտնվում: Կինոռեժիսորը բացատրել է, որ դա միտումնավոր է արել:
«Այս որոշումը ես անձամբ եմ կայացրել: Առաջին մասում բավականաչափ հերոսներ կային: Կարծում էի, որ ավելի ճիշտ կլինի Ֆեյդին թողնել երկրորդի համար: Նա անպայման կդառնա շատ կարևոր կերպար»,- մանրամասներով կիսվել է Դենիս Վիլնյովը:
Թե ով է խաղալու չարագործի դերը, դեռ չի հայտարարվել:
«Dune» ֆիլմի շարունակությունը նախատեսվում է թողարկել 2023 թվականի հոկտեմբերին:
