«Բարսելոնայի» ֆուտբոլիստ Ուսման Դեմբելեն շարունակում է խախտել Չավիի սահմանած կանոնները:
Mundo Deportivo-ի հաղորդմամբ՝ 24-ամյա ֆրանսիացին կրկին ուշացել է թիմի մարզումից: Վերջերս Դեմբելեն 3 րոպե էր ուշացել մարզումից, ինչի համար տուգանվել էր: Հաջորդ օրը նա առաջինն էր ժամանել մարզմանը:
Նշվում է, որ «Բարսելոնայի» մարզիչները զարմացել են, որ ֆրանսիացին ուշացել է մարզումից: Նրանք անգամ զանգել են Դեմբելեին, ինչից հետո ֆուտբոլիստը եկել է մարզաբազա:
Չավիի սահմանած կանոնների համաձայն՝ ֆուտբոլիստները պետք է մարզաբազայում լինեն մարզման մեկնարկից մեկուկես ժամ առաջ: Հավանաբար Դեմբելեն կրկին տուգանվել է:
