Ջոն դե Յոնգը, որը «Բարսելոնայի» կիսապաշտպան Ֆրենկի դե Յոնգի հայրն է, խոստովանել է, որ իր որդու ծառայություններով մի շարք եվրոպական ակումբներ են հետաքրքրված։
«Բավարիայի» ու «Մանչեսթեր Յունայթեդի» մասին
«Գերմանիայում ու Անգլիայում եղանակն ահավոր է։ Ես գիտեմ, որ «Բարսելոնային» գումար է հարկավոր, ու Ֆրենկիի տրանսֆերի դիմաց ստացած մեծ առաջարկը կարող է օգտակար լինել այդ հարցում, բայց ես չեմ կարծում, որ դա տեղի կունենա»։
Դե Յոնգով հետաքրքրվածության մասին
«Եվրոպայի 5 թոփ ակումբներ հետաքրքրված են նրանով. ինձ զանգահարել են»,- ասել է Դե Յոնգի հայրը AD-ի հետ անցկացրած հարցազրույցի ժամանակ։
Այս մրցաշրջանում 24-ամյա կիսապաշտպանը «Բարսելոնայի» կազմում անցկացրած 19 խաղում դարձել է 1 գոլի ու 2 արդյունավետ փոխանցման հեղինակ։
