«Ռոմայի» նորանշանակ գլխավոր մարզիչ Դանիելե Դե Ռոսին մեկնաբանել է թիմի նախկին մարզիչ Ժոզե Մոուրինյուի խոսքերը, ով կարծում էր, որ իտալական թիմի ֆուտբոլիստները թույլ հոգեբանություն ունեն:
«Դուք նշեցիք Մոուրինյուի անունը, լավ կլինի նրան հարցնեք, թե ինչու էր ֆուտբոլիստների աչքերում վախ տեսնում:
Ես կարող եմ գնահատել այն, ինչ տեսնում եմ: Նկատում եմ, որ իմ ֆուտբոլիստները բնավորություն ունեն: Կրիստանտեն ու Սպինացոլան Եվրոպայի չեմպիոն են դարձել՝ հաղթելով Անգլիային նրա ստադիոնում: Ընդհանրապես չեմ կարծում, որ «Ռոմայի» ֆուտբոլիստները թույլ բնավորություն ունեն»,- մարզչի խոսքն է մեջբերում Football Italia-ն:
Հիշեցնենք, որ «Ռոմայի» ղեկին իտալացին անցկացրել է մեկ խաղ է, որում «Գայլերը» 2:1 հաշվով հաղթել են «Վերոնային»:
