Աշխարհի 8-րդ ռակետ Ալեքս դե Մինորը պատմել է, թե որքան է տարբերվում թենիսիստի կյանքը, երբ նա հայտնվում է վարկանիշային աղյուսակի լավագույն տասնյակում:
«Այդ ամենը զարմանալի է: Երկու տարի առաջ ես վարկանիշային աղյուսակում 11-12 տեղերում էի: Հետո բարձրացա լավագույն տասնյակ և միանգամից հայտվեցի մեդիայի ուշադրության կենտրոնում: Հիմա ավելի մեծ ճնշում եմ զգում, որովհետև ինձնից սպասելիքներն ավելի մեծ են, քան նախկինում»,- ավստրալացու խոսքը մեջբերում է ATP-ի մամուլի ծառայությունը:
Դե Մինորն այժմ Ռոտերդամում է ու պատրաստվում է ATP-500 կարգի մրցաշարի մեկնարկին: 1/16 եզրափակիչում ավստրալացու մրցակիցը Բելգիայի ներկայացուցիչ Դավիդ Գոֆենն է:
