Անգլիական «Բրայթոնի» գլխավոր մարզիչ Ռոբերտո Դե Ձերբին հայտնվել է Մադրիդի «Ռեալի» նոր գլխավոր մարզչի թեկնածուների թվում, հայտնում է Cadena SER-ը։
Իտալացի մասնագետը այս պահին համարվում է «Ռեալը» գլխավորելու հիմնական թեկնածուներից մեկը։ Դե Ձերբին նախորդ մրցաշրջանում նշանակվեց «Բրայթոնի» գլխավոր մարզչի պաշտոնում և Անգլիայի Պրեմիեր լիգայի նախորդ մրցաշրջանի արդյունքներով նվաճեց Եվրոպա լիգայի ուղեգիր։
Իսպանական ակումբի ներկայիս գլխավոր մարզիչ Կառլո Անչելոտին մրցաշրջանի ավարտից հետո կարող է գլխավորել Բրազիլիայի ազգային հավաքականը։ Ավելի վաղ հայտնի էր դարձել, որ «Ռեալի» նոր գլխավոր մարզչի հավանական թեկնածուների թվում է նաև Լևերկուզենի «Բայերի» գլխավոր մարզիչ Խաբի Ալոնսոն։
