«Մանչեսթեր Սիթիի» կիսապաշտպան Դավիդ Սիլվան, որը մրցաշրջանի ավարտից հետո (ավելի ստույգ՝ «քաղաքայինների»՝ Չեմպիոնների լիգայի գավաթի ընթացիկ խաղարկությունում ելույթներն ավարտելուց հետո) հեռանալու է անգլիական ակումբից, կարող է կարիերան շարունակել «Լացիոյում»:
Հռոմեական ակումբն արդեն սկսել է բանակցություններ վարել 34-ամյա իսպանացու հետ: Այս մասին հաղորդում է AS պարբերականը:
Սիլվայի տեղափոխությամբ հետաքրքրված է անձամբ «Լացիոյի» գլխավոր մարզիչ Սիմոնե Ինձագին:
Իսպանիայի հավաքականի կազմում աշխարհի չեմպիոն, ինչպես նաև Եվրոպայի կրկնակի չեմպիոն հռչակված խաղացողը ևս 2 առաջարկ է ստացել Արաբական Միացյալ Էմիրությունների ակումբներից՝ «Շաբաբ Ալ Ահլիից» և «Ալ Նասրից»:
Սիլվան Պրեմիեր լիգայի ավարտված առաջնությունում խփել է 6 գոլ ու կատարել 10 արդյունավետ փոխանցում:
Ստեռլինգը կարող է փոխել ակումբը՝ Adidas-ի հետ համագործակցելու պատճառով
