Անգլիական «Մանչեսթեր Յունայթեդի» իսպանացի դարպասապահ Դավիդ դե Խեան հուլիսի 1-ին ամուսնացել է երգչուհի Էդուրնե Գարսիայի հետ:
30-ամյա ֆուտբոլիստը հարսանեկան լուսանկարները հրապարակել է սոցիալական ցանցերի էջերում:
Հիշեցնենք, որ Դավիդ դե Խեայի պայմանագիրն անգլիական ակումբի հետ լրացել է հունիսի 30-ին: Ավելի վաղ հաղորդվում էր, որ ֆուտբոլիստը խոստացել է հարսանիքից հետո նոր պայմանագրի հարցում բանակցություններ վարել:
Դե Խեան «Մանչեսթեր Յունայթեդում» խաղում է 2011 թվականից: 2022/23 մրցաշրջանում նա մասնակցել է 58 հանդիպման, բաց թողել 61 գնդակ և 25 անգամ անառիկ պահել դարպասը:
