Բերգամոյի «Ատալանտան» պայմանագիր է կնքել «Մոնցայի» իտալացի կիսապաշտպան Դանիել Մալդինիի հետ, հաղորդում է ակումբի մամուլի ծառայությունը:
23-ամյա ֆուտբոլիստի պայմանագիրը նախատեսված է մինչև 2029 թվականի հուլիսի 1-ը: Տրանսֆերի արժեքը կազմել է 10 միլիոն եվրո:
Ընթացիկ մրցաշրջանում Մալդինին բոլոր մրցաշարերում «Մոնցայի» կազմում 21 խաղում խփել է երեք գոլ, կատարել է մեկ ասիստ:
Հիշեցնենք, որ Դանիել Մալդինին «Միլանի» լեգենդ Պաոլո Մալդինիի որդին է:
