«Բարսելոնայի» կիսապաշտպան Դանի Օլմոն աջ ոտքի մկանային վնասվածք է ստացել, հայտնում է ակումբի մամուլի ծառայությունը։
Իսպանացի ֆուտբոլիստը բաց կթողնի «Բլաուգրանայի» հաջորդ հանդիպումը, իսկ նրա խաղադաշտ վերադարձը պայմանավորված կլինի ապաքինման ընթացքով։
26-ամյա ֆուտբոլիստը «Բարսելոնա» է տեղափոխվել նախորդ տարվա ամռանը, 18 խաղում խփել է 6 գոլ, կատարել 3 արդյունավետ փոխանցում։
«Բարսելոնան» հաջորդ հանդիպումը կանցկացնի հունվարի 21-ին՝ Չեմպիոնների լիգայի հիմնական փուլի 7-րդ տուրում հյուրընկալվելով պորտուգալական «Բենֆիկային»։