Չեմպիոնների լիգայի 1/8 եզրափակիչի առաջին խաղում Միլանի «Ինտերը» սեփական մարզադաշտում 1-0 հաշվով հաղթեց Մադրիդի «Աթլետիկոյին»։

«Ներաձուրիին» հաղթանակ պարգևեց ավստրիացի հարձակվող Մարկո Արնաուտովիչի խփած գոլը 79-րդ րոպեին։

Իտալական ակումբի մեկնարկային կազմում հանդիպմանը մասնակցեց նաև Հայաստանի հավաքականի նախկին կիսապաշտպան Հենրիխ Մխիթարյանը, որը փոխարինվեց 72-րդ րոպեին։

Օրվա մյուս խաղում Էյնդհովենի ՊՍՎ-ն ու Դորտմունդի «Բորուսիան» փոխանակվեցին մեկական գոլով` 1-1։

Երկու դիմակայությունների պատասխան հանդիպումները կկայանան մարտի 13-ին։

Չեմպիոնների լիգա, 1/8 եզրափակիչ, առաջին խաղեր

«Ինտեր» (Իտալիա) – «Աթլետիկո» (Իսպանիա)` 1-0 (տեսանյութ)

Մարկո Արնաուտովիչ, 79

ՊՍՎ (Նիդերլանդներ) – «Բորուսիա Դ․» (Գերմանիա)​​​​​​​` 1-1 (տեսանյութ)

Լյուկ Դե Յոնգ, 56 (11մ) - Դոնիել Մալեն, 24