Չեմպիոնների լիգայի 1/8 եզրափակիչի առաջին խաղում Մյունխենի «Բավարիան» գերմանական դիմակայությունում սեփական դաշտում 3-0 հաշվով հաղթեց Լևերկուզենի «Բայերին»։

Մյունխենյան գրանդից դուբլ գրանցեց անգլիացի հարձակվող Հարի Քեյնը, մեկ գոլ էլ խփեց գերմանացի կիսապաշտպան Ջամալ Մուսիալան։

«Բարսելոնան» հյուրընկալվելիս 10 ֆուտբոլիստով 1-0 հաշվով հաղթեց «Բենֆիկային»։ Միակ գոլը 61-րդ րոպեին խփեց բրազիլացի վինգեր Ռաֆինյան։

«Բլաուգրանան» 22-րդ րոպեից էր խաղում 10 հոգով. «վերջին հույսի» խախտման համար դաշտից հեռացվել էր իսպանացի պաշտպան Պաու Կուբարսին։

«Լիվերպուլը» Փարիզում ծանր պայքարում 1-0 հաշվով հաղթեց ՊՍԺ-ին։ 87-րդ րոպեին հյուրերի հաղթական գոլը խփեց Հարվի Էլիոթը։

Հանդիպման հերոսը, միանշանակ, մերսիսայդյան գրանդի բրազիլացի դարպասապահ Ալիսոն Բեկերն էր, որը 10 սեյվ կատարեց։

Դիմակայությունների պատասխան հանդիպումները կկայանան մարտի 11-ին։

Չեմպիոնների լիգա, 1/8 եզրափակիչ, առաջին հանդիպումներ

«Բավարիա» (Գերմանիա) - «Բայեր» (Գերմանիա)` 3-0 (տեսանյութ)

Հարի Քեյն, 9, 74 (11մ), Ջամալ Մուսիալա, 54

Հեռացում` Նորդի Մուկիելե, 62 («Բայեր»)

«Բենֆիկա» (Պորտուգալիա) - «Բարսելոնա» (Իսպանիա)` 0-1 (տեսանյութ)

Ռաֆինյա, 61

Հեռացում` Պաու Կուբարսի, 22 («Բարսելոնա»)

ՊՍԺ (Ֆրանսիա) - «Լիվերպուլ» (Անգլիա)` 0-1 (տեսանյութ)

​​​​​​Հարվի Էլիոթ, 87