Չինաստանի ֆուտբոլային ասոցիացիայի նախագահ Չեն Շույուանը ձերբակալվել է կոռուպցիայի մեղադրանքով, հաղորդում է Daily Mail-ը:
Երկրում իշխող կոմունիստական կուսակցության կոռուպցիայի դեմ պայքարի կոմիտեն հայտարարել է, որ պատասխանատու կառույցներն արդեն հետաքննություն են սկսել այս հարցով: Առաջադրված մեղադրանքի մանրամասները հայտնի չեն:
Հիշեցնենք, որ Չինաստանի հավաքականը միայն մեկ անգամ է մասնակցել ֆուտբոլի աշխարհի առաջնությանը։ ԱԱ-2002-ում ասիական թիմը չէր կարողացել դուրս գալ խմբից:
Ասիայի գավաթի խաղարկությունում չինացիների լավագույն արդյունքը երկրորդ տեղ զբաղեցնելն է (1984 և 2004 թվականներ):
