Թուրինի «Յուվենտուսի» իտալացի վինգեր Ֆեդերիկո Կիեզան վերականգնվել է ծանր վնասվածքից, հայտնում է ակումբի պաշտոնական կայքը:
Եվրոպայի չեմպիոնը հոկտեմբերի 3-ին մարզվել է թուրինյան ակումբի ընդհանուր խմբում:
Հիշեցնենք, որ Կիեզան նախորդ անգամ խաղադաշտ է դուրս եկել հունվարի 9-ին, որից հետո ենթարկվել էր ձախ ծնկի խաչաձև կապանների վիրահատության:
Ա Սերիայի նախորդ մրցաշրջանում 24-ամյա ֆուտբոլիստը մասնակցել էր 14 խաղի ու խփել 2 գոլ:
Իտալացին, ամենայն հավանականությամբ, խաղադաշտ կվերադառնա Լիսաբոնի «Բենֆիկայի» դեմ Չեմպիոնների լիգայի խմբային փուլի երրորդ տուրի խաղում, որը կայանալու է հոկտեմբերի 25-ին:
