Ծաղկաձորի «Մարիոթ» հյուրանոցում մեկնարկել է շախմատի «Չեսմուդ Օփեն» միջազգային 2-րդ բաց մրցաշարը:
Հայաստանցի 35 շախմատիստներից 13-ը հաղթանակով մեկնարկեց: Նրանց թվում են Հայաստանի առաջատար շախմատիստներ Շանթ Սարգսյանը, Մանուել Պետրոսյանը, Արման Փաշիկյանը, Տիգրան Պետրոսյանն ու Հովիկ Հայրապետյանը: Իսկ ահա Տիգրան Հարությունյանը մեկնարկում պարտվեց:
Ընդհանուր առմամբ, մեկնարկային տուրում հաղթանակներ տարան 84 մասնակիցներից 32-ը: Հոկտեմբերի 1-ին կկայանան 2-րդ տուրի մրցախաղերը:
