Չեմպիոնների լիգայի մամուլի ծառայությունը ներկայացրել է մրցաշարի խմբային փուլի 5-րդ տուրի խորհրդանշական հավաքականը:

Դարպասապահ՝ Դիոգու Կոշտա («Պորտու»)

Պաշտպաններ՝ Էնդրյու Ռոբերտսոն («Լիվերպուլ»), Լեո Էստիգոր («Նապոլի»), Մատեո Գաբիա («Միլան»), Գոնսալո Մոնտիել («Սևիլիա»)

Կիսապաշտպաններ՝ Մարկուս Էդվարդս («Սպորտինգ»), Յանիկ Կարասկո («Աթլետիկո»), Սերժ Գնաբրի («Բավարիա»)

Հարձակվողներ՝ Կիլիան Մբապե, Լիոնել Մեսի (երկուսն էլ՝ ՊՍԺ), Մեհդի Տարեմի («Պորտու»)

Հիշեցնենք, որ խմբային փուլի վերջին տուրից առաջ 1/8 եզրափակիչի ուղեգիր են նվաճել անգլիական «Լիվերպուլը», պորտուգալական «Պորտուն», Միլանի «Ինտերը», մրցաշարի գործող գավաթակիր Մադրիդի «Ռեալը», Մյունխենի «Բավարիան», ֆրանսիական ՊՍԺ-ն, Դորտմունդի «Բորուսիան», անգլիական «Մանչեսթեր Սիթին» ու «Չելսին», իտալական «Նապոլին», Լիսաբոնի «Բենֆիկան» ու բելգիական «Բրյուգեն»: