Սլովակիայի չեմպիոնը «Սլովանը» նվաճեց Չեմպիոնների լիգայի որակավորման երրորդ փուլի ուղեգիր:

Պատասխան խաղում Բրատիսլավայի թիմը 2-2 հաշիվը գրանցեց Բոսնիա և Հերցեգովինայի չեմպիոն «Զրինսկիի» հետ, որին առաջին մրցավեճում հաղթել էր հյուրընկալվելիս (1-0):

Հայաստանի ազգային հավաքականի կիսապաշտպան Տիգրան Բարսեղյանը «Սլովանի» կազմում փոխարինման մտավ 77-րդ րոպեին:

Հիշեցնենք, որ «Զրինսկին» որակավորման առաջին փուլում հաղթահարել էր Հայաստանի չեմպիոն և գավաթակիր Երևանի «Ուրարտուի» արգելքը (1-0, 2-3, 11մ՝ 4-3):

Չեմպիոնների լիգայի որակավորման երրորդ փուլում «Սլովանը» կմրցի Տիրասպոլի «Շերիֆի» ու Հայֆայի «Մաքաբիի» դիմակայության հաղթողի հետ: «Զրինսկին» պայքարը կշարունակի Եվրոպա լիգայի որակավորման երրորդ փուլում: 

Չեմպիոնների լիգա, որակավորման երկրորդ փուլ, պատասխան հանդիպում

«Սլովան» (Սլովակիա) -  «Զրինսկի» (Բոսնիա և Հերցեգովինա)՝ 2-2 (առաջին հանդիպում՝ 1-0)

Ալեքսանդր Չավրիչ, 5, Շարանի Զուբերու, 66 - Հրվոյե Բարիշիչ, 75, Անտոնիո Իվանչիչ, 90+3