Անգլիական «Նորվիչի» հարձակվող Բորխա Սայնսը մրցակցի ֆուտբոլիստին անարգելու պատճառով տուգանվել է 12 հազար ֆունտով և որակազրկվել է 6 խաղով, հայտնում է BBC-ն:
Միջադեպը տեղի է ունեցել «Սանդեռլենդի» դեմ (1-2) Չեմպիոնշիփի հերթական տուրի խաղում: Իսպանացին հանդիպման 22-րդ րոպեին թքել է հյուրերի պաշտպան Քրիս Միֆեմի երեսին:
Հետագայում 23-ամյա ֆուտբոլիստը տգեղ պահվածքի համար ներողություն է խնդրել Միֆեմից, թիմից և երկրպագուներից:
Բորխա Սայնսը Չեմպիոնշիփի այս մրցաշրջանի գլխավոր ռմբարկուն է: Նա 26 խաղում խփել է 15 գոլ:
