Մադրիդի «Ռեալի» ուրուգվայցի կիսապաշտպան Ֆեդերիկո Վալվերդեն կատալոնական «Բարսելոնայի» դեմ Իսպանիայի Սուպերգավաթի եզրափակիչից առաջ խոսել է թիմակցի` ֆրանսիացի հարձակվող Կիլիան Մբապեի` խաղից դուրս վիճակում հաճախ հայտնվելու մասին, հաղորդում է ակումբի մամուլի ծառայությունը:
Լրագրողներից մեկը հարցրել է Վալվերդեին, թե արդյոք նա այդ խնդրի մասին խոսո՞ւմ է Մբապեի հետ:
«Ես չեմ կարող խորհուրդներ տալ խաղացողի, որը երիտասարդ տարիքում արդեն հաղթել է աշխարհի առաջնությունը, խաղացել է նաև աշխարհի առաջնության ևս մեկ եզրափակիչում: Նա հաղթել է ամեն ինչ և լեգենդ է Ֆրանսիայում։
Նա աշխարհի լավագույն խաղացողներից մեկն է ու կիմանա, թե ինչ պետք է անի»,- ասել է Վալվերդեն:
«Ռեալն» ու «Բարսելոնան» տիտղոսը կվիճարկեն Սաուդյան Արաբիայում, խաղը կմեկնարկի Երևանի ժամանակով 23:00-ին:
