«Չելսին» ընդհատել է Տրևո Չալոբայի վարձակալությունը «Քրիստալ Փելասից», հայտնում է լրագրող Դավիդ Օրնշտեյնը:
Լոնդոնյան ակումբը որոշել է օգտվել 25-ամյա պաշտպանին վարձակալությունից հետ կանչելու իր իրավունքից, քանի որ ֆուտբոլիստին համարում է թիմի կարևոր մասնիկ մրցաշրջանի մնացած հատվածում:
Ավելի վաղ հաղորդվում էր, որ «Ազնվականները» պատրաստ են վաճառել Ալեքս Դիսասիի ու Բեն Չիլուելի տրանսֆերային իրավունքները:
Չալոբան այս մրցաշրջանի մեկնարկից առաջ էր 1 տարի ժամկետով վարձավճարով տեղափոխվել «Քրիստալ Փելաս»:
Թարմացված է, 15.01.2025թ., 23:40
«Քրիստալ Փելասը» պաշտոնապես հաստատել է, որ «Չելսին» ակտիվացրել է Տրևո Չալոբայի վարձակալական պայմանագիրն ընդհատելու կետը, և ֆուտբոլիստը կվերադառնա Էնցո Մարեսկայի գլխավորած թիմ:
