Լոուրենս Ստյուարտը նշանակվել է Լոնդոնի «Չելսիի» տեխնիկական տնօրենի պաշտոնում, հայտնում է անգլիական ակումբի պաշտոնական կայքը:
Անգլիացի մասնագետը համակարգելու է գլոբալ ֆուտբոլի հարցերը:
«Ուրախ եմ «Չելսիին» միանալու առթիվ: Հիացած եմ ակումբի ղեկավարմամբ և նոր սեփականատերերով: Ցանկանում եմ օգնել «Չելսիին»՝ կառուցելու համաշխարհային մակարդակի մարզական կազմակերպություն»,- նշել է Ստյուարտը:
Ստյուարտը «Չելսիին» կմիանա «Մոնակոյում» աշխատանքն ավարտելուց հետո: Ֆրանսիայի առաջնությունը ներկայացնող թիմում մասնագետը նույնպես զբաղեցնում է տեխնիկական տնօրենի պաշտոնը: Ավելի վաղ նա աշխատել է «Մանչեսթեր Սիթիում», «Էվերթոնում» և Անգլիայի ազգային հավաքականում:
«Չելսին» Անգլիայի առաջնության 11 տուրերից հետո վաստակել է 21 միավոր և 5-րդ տեղում է: Չեմպիոնների լիգայում լոնդոնյան ակումբը E խմբում առաջինն է 10 միավորով և ապահովել է մասնակցությունը մրցաշարի փլեյ-օֆֆ փուլում:
