Բելգիայի հավաքականի նախկին ֆուտբոլիստ Էդեն Ազարի՝ «Չելսիում» խաղալու տարիներին լոնդոնյան ակումբի ղեկավարությունը արգելել է խաղացողին բուրգեր գնել «Սթեմֆորդ Բրիջ» մարզադաշտի մոտակայքում գտնվող արագ սննդի կետից, գրում է Daily Mail-ը:
Աղբյուրի փոխանցմամբ՝ ակումբին դուր չի եկել այն հանգամանքը, որ Ազարը «Չելսիի» տնային խաղերից հետո անմիջապես գնացել է բուրգեր ուտելու: Բելգիացու ֆիզիկական մարզավիճակի վրա բացասական ազդեցությունից խուսափելու նպատակով՝ «Չելսին» նմանատիպ արգելք է սահմանել ֆուտբոլիստի վրա:
Ազարը օրեր առաջ հայտարարեց ֆուտբոլիստի կարիերան ավարտելու մասին: «Չելսիում» նա անցկացրել է 352 հանդիպում, դարձել 110 գոլի և 92 արդյունավետ փոխանցման հեղինակ:
