Շվեյցարական «Բազելի» գլխավոր մարզիչ Ֆաբիո Չելեստինին պատմել է «Սիոնը» գլխավորելու ժամանակ Մարիո Բալոտելիի հետ աշխատանքի մասին:
«Չգիտեի ուրիշ ինչպես մոտիվացնել Մարիոյին, ուստի ասացի՝ որոշել եմ նրան թիմի ավագ նշանակել, որպեսզի պատասխանատվություն վերցնի իր վրա: Նրան դուր եկավ այդ առաջարկը և ասաց, որ հաջորդ օրից կսկսի ամբողջ ուժով աշխատել:
Հաջորդ օրն անհամբերությամբ սպասում էի նրան, բայց մարզմանը չեկավ քնած մնալու պատճառով: Դա տիպիկ Բալոտելին է: Հետո նա ներողություն խնդրեց»,- իտալացի մարզչի խոսքն է փոխանցում As-ը:
Այժմ Բալոտելին խաղում է «Ջենոայում»:
