Գերմանական «Լայպցիգի» հարձակվող Անդրե Սիլվան ճանաչվել է Չեմպիոնների լիգայի շաբաթվա լավագույն ֆուտբոլիստ, հայտնում է ՈւԵՖԱ-ի մամուլի ծառայությունը:
Մրցաշարի խմբային փուլի երրորդ տուրում պորտուգալացին մասնակցել էր շոտլանդական «Սելթիկի» դեմ խաղին (3-1) և դարձել դուբլի հեղինակ:
Լավագույնի կոչմանը հավակնում էին նաև Ջովանի Դի Լորենցոն («Նապոլի», 1 գոլ), Անխել Դի Մարիան («Յուվենտուս», 3 գոլային փոխանցում) և Ջուդ Բելինգեմը («Բորուսիա Դորտմունդ», 1 գոլ և 1 ասիստ):
Այդ խաղից հետո «Լայպցիգն» առաջին միավորներն էր վաստակել Չեմպիոնների լիգայում և F խմբում բարձրացել երրորդ տեղ: «Սելթիկը» 1 միավորով 4-րդն է:
🥇 Leipzig's two-goal hero André Silva voted Player of the Week 👏#UCLPOTW | @PlayStationEU pic.twitter.com/2PfeWxzONW
— UEFA Champions League (@ChampionsLeague) October 6, 2022
